有個媽媽，已經有個讀小學嘅細路，即係唔係新手媽媽，今日帶著個幾個月大嘅BB黎睇發燒。
第一次睇，點都會問BB啲病歷。呀媽填張病人資料話乜事都無，好健康。但通常我都會口頭再問多次，不過阿媽都係話呀B好健康。問佢阿B出世到而家要唔要定時複診？佢先至話呀B喺某大醫院嘅兒科要定期睇個腦嘅腫瘤，唔記得咗係乜嘢瘤。
(請Insert烏鴉emoticon)
乜原來個腦生腫瘤唔洗Mention㗎？😱😱😱OK⋯⋯佢豁達，睇得化，知道命水啲嘢通常都係由上高嗰個主宰。🙏🏻
係，我知未必個個腦有腫瘤會有事。可能觀察幾年，見佢唔大就由佢。但係，未知道係咩腫瘤之前，方便嘅，就見親新嘅醫生都同講聲，實冇死嘅！
Any肥，最尾睇完呀B，
呀媽問：乜唔係六個月以下餵全母乳嘅BB係一定唔會病緊咩？點解會發燒㗎？
我 ： 😲😲😲😲😲
原來政府宣傳都真係幾有效，搞到啲呀媽信母乳係無敵。母乳係有益，但係都唔喺仙丹黎㗎喎⋯⋯🤦🏽♀️🤦🏽♀️🤦🏽♀️
Search